ଖସଡ଼ା

ଶବ୍ଦାର୍ଥ:

ଖସଡ଼ା —
ଉଚ୍ଚାରଣ: Khasaṟḍ̠ā
পিছল खसरा

ଦେ. ବିଣ. (ସଂ. କଚ୍ଚର) —

୧: କାଦୁଆଯୋଗୁଁ ଲଟପଟିଆ — ୧. Slushy; muddy.

୨: ଚିକିଟା; ୟହିଁରେ ଗୋଡ଼ ଖସେ; ପିଚ୍ଛିଳ — ୨. Slimy; slippery.

ପୀରତି ପଥ ଖସଡ଼ା, ନ ଜାଣି ତହିଁକି ପାଦ ବଢ଼ାଇଲେ ପଦପଦକେ କଚଡ଼ା—ପ୍ରାଚୀନ ସଙ୍ଗୀତ

ବୈଦେ. ବିଣ (ଆ)

ଚିଠା କରା ଯାଇଥିବା —Rough; drafted.

খসড়া खसरा

ବୈଦେ. ବି (ଆ. ଖସ୍ରା=ଗ୍ରାମର କ୍ଷେତ୍ର ସମୂହର ତାଲିକା) —

୧: ପ୍ରଥମ ଲେଖା ବା ଚିଠା (ୟାହା ପରେ ସଂଶୋଧିତ ହୁଏ) — ୧. Draft; rough copy of any document; rough manuscript.

୨: ସେଟ୍ଲ୍ମେଣ୍ଟ ବା ରାଜସ୍ବ ବନ୍ଦୋବସ୍ତ ସମୟରେ କୌଣସି ଗ୍ରାମର ଜମିର ବିବରଣ ଆଦି ୟହିଁରେ କିତାବାରି ଲିପିବଦ୍ଧ ହୋଇଥାଏ —୨. The preliminary list of the plots of a village prepared after cadastral survey in the course of a Revenue Settlement.

୩: ଗ୍ରାମର କ୍ଷେତ୍ରମାନଙ୍କର ନମ୍ବର ଓ କ୍ଷେତ୍ରଫଳର ତାଲିକା ବା ସ୍ଥୂଳ ବିବରଣ; ଭଉଁରିଆ —୩. Rough index of all the fields of a village drawn up seriatim; field-book.

୪: ପ୍ରସ୍ତାବିତ ଆଇନର ପ୍ରଥମ ଚିଠା; ଆଇନର ପାଣ୍ଡୁଲିପି, (ୟାହା ଆଲୋଚନାର୍ଥ ସାଧାରଣରେ ପ୍ରକାଶିତ ହୁଏ) — ୪. Bill published for discussion before being passed into law.

୫: ମହାଜନୀ ସିରସ୍ତାରେ ଯେଉଁ କାଗଜରେ ଦୈନନ୍ଦିନ କ୍ରୟ— ବିକ୍ରୟର ବିବରଣ ସାଙ୍ଗେସାଙ୍ଗେ ଲେଖା ହୁଏ — ୫. Daily ledger of a merchant's office.